Azərbaycan 2032-ci ilə kimi 8 giqavat bərpaolunan enerji gücünə çatacaq

Bakı Enerji Həftəsinin açılışında çıxış edən Prezident İlham Əliyev ölkənin qlobal enerji bazarındakı rolunu vurğuladı.

SOCAR-ın neft emalı gücü 30 milyon tondan artıqdır. Italiana Petroli-nin satın alınması Aralıq dənizi hövzəsindəki emal gücünü 13 milyon tondan 23 milyon tona çatdırdı. Bu, Azərbaycanın neft məhsulları ixracatçısına çevrildiyini göstərir.

2032-ci ilin sonuna kimi Azərbaycanın Günəş və külək enerjisi gücü 8 giqavata çatacaq. Qarabağ və Şərqi Zəngəzurda artıq 300 meqavatdan çox hidroenerji gücü istifadəyə verilib.

Prezident İlham Əliyev bildirib ki, ölkələr neft və qaza sahib olmaqla deyil, həmin sərvətlərdən əldə olunan gəlirləri necə idarə etdiklərinə görə qiymətləndirilməlidir. Azərbaycan bu baxımdan dünyaya nümunədir.

Enerji ixracından əldə olunan vəsaitlər hərbi sahəyə, infrastruktura və diplomatiyaya yatırılıb. Bu üç istiqamət Azərbaycanın 44 günlük müharibədə qələbəsinin təməlini qoyub.

Bakı Enerji Həftəsi beynəlxalq enerji dialoqunda mühüm platformaya çevrilib. Azərbaycanın bu platformada oynadığı aparıcı rol ölkənin regional liderlik mövqeyini möhkəmləndirir.

Sevinc Hüseynova
YAP Nizami rayon təşkilatının fəalı