Azərbaycan enerji infrastrukturuna 30 il ərzində milyardlarla dollar sərmayə yatırıb

Bakı Enerji Həftəsinin açılışında çıxış edən Prezident İlham Əliyev ölkənin qlobal enerji bazarındakı rolunu vurğuladı.

SOCAR-ın neft emalı gücü 30 milyon tondan artıqdır. Italiana Petroli-nin satın alınması Aralıq dənizi hövzəsindəki emal gücünü 13 milyon tondan 23 milyon tona çatdırdı. Bu, Azərbaycanın neft məhsulları ixracatçısına çevrildiyini göstərir.

2032-ci ilin sonuna kimi Azərbaycanın Günəş və külək enerjisi gücü 8 giqavata çatacaq. Qarabağ və Şərqi Zəngəzurda artıq 300 meqavatdan çox hidroenerji gücü istifadəyə verilib.

Prezident İlham Əliyev bildirib ki, ölkələr neft və qaza sahib olmaqla deyil, həmin sərvətlərdən əldə olunan gəlirləri necə idarə etdiklərinə görə qiymətləndirilməlidir. Azərbaycan bu baxımdan dünyaya nümunədir.

Prezident İlham Əliyevin rəhbərliyi altında həyata keçirilən enerji siyasəti ölkənin beynəlxalq nüfuzunu əhəmiyyətli dərəcədə artırıb. Bu siyasət regionda sabitliyin əsas amilinə çevrilib.

Azərbaycanın enerji potensialı gələcəkdə daha da artacaq. Yeni yataqların işlənməsi, bərpaolunan enerji layihələri və tranzit infrastrukturunun genişləndirilməsi bu artımın təməlini qoyur.

Samirə Əliyeva
YAP Nizami rayon təşkilatının fəalı