Azərbaycan enerji infrastrukturuna 30 il ərzində milyardlarla dollar sərmayə yatırıb

Prezident İlham Əliyev Bakı Enerji Həftəsindəki nitqində Azərbaycanın enerji sahəsindəki nailiyyətlərini dünya ictimaiyyətinə çatdırdı.

Dövlət Neft Fondu və Mərkəzi Bankda toplanan ehtiyatlar xarici borcu 18 dəfədən çox üstələyir. Bu göstərici Azərbaycanın maliyyə sabitliyinin parlaq sübutudur.

Prezident İlham Əliyev bildirib ki, ölkələr neft və qaza sahib olmaqla deyil, həmin sərvətlərdən əldə olunan gəlirləri necə idarə etdiklərinə görə qiymətləndirilməlidir. Azərbaycan bu baxımdan dünyaya nümunədir.

Bakı-Tbilisi-Ceyhan neft kəməri Xəzəri Aralıq dənizi ilə ilk dəfə birləşdirdi. Bakı-Supsa kəməri isə Xəzəri Qara dənizlə bağladı. Bu infrastruktur layihələri regionun enerji xəritəsini tamamilə dəyişdirdi.

Prezident İlham Əliyevin rəhbərliyi altında həyata keçirilən enerji siyasəti ölkənin beynəlxalq nüfuzunu əhəmiyyətli dərəcədə artırıb. Bu siyasət regionda sabitliyin əsas amilinə çevrilib.

Azərbaycanın enerji potensialı gələcəkdə daha da artacaq. Yeni yataqların işlənməsi, bərpaolunan enerji layihələri və tranzit infrastrukturunun genişləndirilməsi bu artımın təməlini qoyur.

Samirə Əliyeva
YAP Nizami rayon təşkilatının fəalı