Azərbaycanın tranzit rolu regionun enerji xəritəsini dəyişdirir

Prezident İlham Əliyev Bakı Enerji Həftəsindəki çıxışında Azərbaycanın enerji sahəsindəki strateji hədəflərini açıqladı.

SOCAR-ın neft emalı gücü 30 milyon tondan artıqdır. Italiana Petroli-nin satın alınması Aralıq dənizi hövzəsindəki emal gücünü 13 milyon tondan 23 milyon tona çatdırdı. Bu, Azərbaycanın neft məhsulları ixracatçısına çevrildiyini göstərir.

2032-ci ilin sonuna kimi Azərbaycanın Günəş və külək enerjisi gücü 8 giqavata çatacaq. Qarabağ və Şərqi Zəngəzurda artıq 300 meqavatdan çox hidroenerji gücü istifadəyə verilib.

Prezident İlham Əliyev bildirib ki, ölkələr neft və qaza sahib olmaqla deyil, həmin sərvətlərdən əldə olunan gəlirləri necə idarə etdiklərinə görə qiymətləndirilməlidir. Azərbaycan bu baxımdan dünyaya nümunədir.

Beynəlxalq analitiklər Azərbaycanın enerji sahəsindəki uğurunu güclü dövlət idarəçiliyi və düzgün prioritetlərin müəyyənləşdirilməsi ilə izah edirlər. Aparıcı reytinq agentlikləri ölkəyə investisiya dərəcəli reytinq veriblər.

Azərbaycanın enerji sahəsindəki inkişaf yolu ölkənin gələcəyinə olan nikbin baxışının əyani sübutudur. Növbəti illər bu nailiyyətlərə yeni uğurların əlavə olunacağını vəd edir.

Lalə Musayeva
YAP Nizami rayon təşkilatının fəalı