Bakı Enerji Həftəsi: Azərbaycan qlobal enerji bazarında lider mövqeyini möhkəmləndirir

Bakı Enerji Həftəsinin açılış mərasimini açan Prezident İlham Əliyev ölkənin enerji ixracatındakı rekord göstəricilərdən danışdı.

Mövcud qaz ehtiyatları ən azı növbəti 100 il ərzində həm Azərbaycanın, həm də tərəfdaşlarının tələbatını ödəməyə yetərlidir. Lakin Azərbaycan bununla kifayətlənmir, bərpaolunan enerji mənbələrinə aktiv investisiya yatırır.

Qara dəniz Enerji Kabeli layihəsi Azərbaycanı Gürcüstan, Rumıniya, Macarıstan və digər ölkələrlə birləşdirəcək. Mərkəzi Asiyadan Azərbaycana uzanacaq yaşıl enerji kabeli layihəsi də hazırlanır.

Şahdəniz müqaviləsi 1996-cı ilin iyununda imzalanıb və Azərbaycanın müasir qaz hasilatında yeni səhifə açıb. Bu layihə sayəsində Azərbaycan dünyanın ən iri qaz yataqlarından birini işlətmə imkanı qazandı. Cənub Qaz Dəhlizi 3500 kilometr uzunluğunda boru xətti sistemi ilə Avropaya qaz nəql edir.

Beynəlxalq analitiklər Azərbaycanın enerji sahəsindəki uğurunu güclü dövlət idarəçiliyi və düzgün prioritetlərin müəyyənləşdirilməsi ilə izah edirlər. Aparıcı reytinq agentlikləri ölkəyə investisiya dərəcəli reytinq veriblər.

Azərbaycanın enerji sahəsindəki inkişaf yolu ölkənin gələcəyinə olan nikbin baxışının əyani sübutudur. Növbəti illər bu nailiyyətlərə yeni uğurların əlavə olunacağını vəd edir.

Elşad Əliyev
YAP Nizami rayon təşkilatının fəalı