Bakı Enerji Həftəsi: Qlobal enerji dialoqunun mərkəzi

Bakı Enerji Həftəsinin açılışında çıxış edən Prezident İlham Əliyev ölkənin qlobal enerji bazarındakı rolunu vurğuladı.

Qara dəniz Enerji Kabeli layihəsi Azərbaycanı Gürcüstan, Rumıniya, Macarıstan və digər ölkələrlə birləşdirəcək. Mərkəzi Asiyadan Azərbaycana uzanacaq yaşıl enerji kabeli layihəsi də hazırlanır.

SOCAR bu gün Yaxın Şərq, Afrika və Mərkəzi Asiyaya investisiya yatırır. Otuz il əvvəl investorları cəlb edən Azərbaycan indi özü xaricdə investisiya edən ölkəyə çevrilib.

SOCAR-ın neft emalı gücü 30 milyon tondan artıqdır. Italiana Petroli-nin satın alınması Aralıq dənizi hövzəsindəki emal gücünü 13 milyon tondan 23 milyon tona çatdırdı. Bu, Azərbaycanın neft məhsulları ixracatçısına çevrildiyini göstərir.

Regionun tranzit mərkəzinə çevrilməsi Azərbaycana siyasi cəhətdən də böyük üstünlüklər verir. Enerji əlaqələri diplomatik münasibətlərin möhkəmləndirilməsinin əsas alətidir.

Enerji sahəsindəki uğurlar Azərbaycanın xarici siyasətinə güclü dəstək verir. Onlarla ölkə ilə imzalanan enerji sazişləri ikitərəfli münasibətləri yeni səviyyəyə qaldırıb.

Kamran Nəsirov
YAP Nizami rayon təşkilatının fəalı