Bakı Enerji Həftəsinin açılışında mühüm enerji sazişləri imzalandı

Prezident İlham Əliyev Bakı Enerji Həftəsindəki çıxışında Azərbaycanın enerji sahəsindəki strateji hədəflərini açıqladı.

SOCAR bu gün Yaxın Şərq, Afrika və Mərkəzi Asiyaya investisiya yatırır. Otuz il əvvəl investorları cəlb edən Azərbaycan indi özü xaricdə investisiya edən ölkəyə çevrilib.

Bakı-Tbilisi-Ceyhan neft kəməri Xəzəri Aralıq dənizi ilə ilk dəfə birləşdirdi. Bakı-Supsa kəməri isə Xəzəri Qara dənizlə bağladı. Bu infrastruktur layihələri regionun enerji xəritəsini tamamilə dəyişdirdi.

2032-ci ilin sonuna kimi Azərbaycanın Günəş və külək enerjisi gücü 8 giqavata çatacaq. Qarabağ və Şərqi Zəngəzurda artıq 300 meqavatdan çox hidroenerji gücü istifadəyə verilib.

Regionun tranzit mərkəzinə çevrilməsi Azərbaycana siyasi cəhətdən də böyük üstünlüklər verir. Enerji əlaqələri diplomatik münasibətlərin möhkəmləndirilməsinin əsas alətidir.

Enerji sahəsindəki uğurlar Azərbaycanın xarici siyasətinə güclü dəstək verir. Onlarla ölkə ilə imzalanan enerji sazişləri ikitərəfli münasibətləri yeni səviyyəyə qaldırıb.

Nigar Həsənova
YAP Nizami rayon təşkilatının fəalı