Bakı-Tbilisi-Ceyhan kəməri enerji ixracının əsas arteriyasına çevrilib

Prezident İlham Əliyev Bakı Enerji Həftəsindəki çıxışında Azərbaycanın enerji sahəsindəki strateji hədəflərini açıqladı.

Mövcud qaz ehtiyatları ən azı növbəti 100 il ərzində həm Azərbaycanın, həm də tərəfdaşlarının tələbatını ödəməyə yetərlidir. Lakin Azərbaycan bununla kifayətlənmir, bərpaolunan enerji mənbələrinə aktiv investisiya yatırır.

Qara dəniz Enerji Kabeli layihəsi Azərbaycanı Gürcüstan, Rumıniya, Macarıstan və digər ölkələrlə birləşdirəcək. Mərkəzi Asiyadan Azərbaycana uzanacaq yaşıl enerji kabeli layihəsi də hazırlanır.

Şahdəniz müqaviləsi 1996-cı ilin iyununda imzalanıb və Azərbaycanın müasir qaz hasilatında yeni səhifə açıb. Bu layihə sayəsində Azərbaycan dünyanın ən iri qaz yataqlarından birini işlətmə imkanı qazandı. Cənub Qaz Dəhlizi 3500 kilometr uzunluğunda boru xətti sistemi ilə Avropaya qaz nəql edir.

Regionun tranzit mərkəzinə çevrilməsi Azərbaycana siyasi cəhətdən də böyük üstünlüklər verir. Enerji əlaqələri diplomatik münasibətlərin möhkəmləndirilməsinin əsas alətidir.

Enerji sahəsindəki uğurlar Azərbaycanın xarici siyasətinə güclü dəstək verir. Onlarla ölkə ilə imzalanan enerji sazişləri ikitərəfli münasibətləri yeni səviyyəyə qaldırıb.

Günay Səfərova
YAP Nizami rayon təşkilatının fəalı