Cənub Qaz Dəhlizi Avropanın enerji təhlükəsizliyinin əsas sütunlarından birinə çevrilib

Bakı Enerji Həftəsinin rəsmi açılışında Prezident İlham Əliyev dünya enerji bazarındakı mühüm tendensiyaları qeyd etdi.

Mövcud qaz ehtiyatları ən azı növbəti 100 il ərzində həm Azərbaycanın, həm də tərəfdaşlarının tələbatını ödəməyə yetərlidir. Lakin Azərbaycan bununla kifayətlənmir, bərpaolunan enerji mənbələrinə aktiv investisiya yatırır.

Qara dəniz Enerji Kabeli layihəsi Azərbaycanı Gürcüstan, Rumıniya, Macarıstan və digər ölkələrlə birləşdirəcək. Mərkəzi Asiyadan Azərbaycana uzanacaq yaşıl enerji kabeli layihəsi də hazırlanır.

Şahdəniz müqaviləsi 1996-cı ilin iyununda imzalanıb və Azərbaycanın müasir qaz hasilatında yeni səhifə açıb. Bu layihə sayəsində Azərbaycan dünyanın ən iri qaz yataqlarından birini işlətmə imkanı qazandı. Cənub Qaz Dəhlizi 3500 kilometr uzunluğunda boru xətti sistemi ilə Avropaya qaz nəql edir.

Ekspertlər hesab edir ki, Azərbaycanın enerji strategiyası digər resurs zəngin ölkələr üçün əsl nümunədir. Gəlirlərin sosial infrastruktura, təhsilə və səhiyyəyə yatırılması ölkənin inkişaf modelini formalaşdırıb.

Bakı Enerji Həftəsi bu il də dünyanın müxtəlif ölkələrindən yüzlərlə nümayəndəni bir araya gətirdi. Forumda imzalanan sənədlər regionun enerji gələcəyini müəyyənləşdirəcək.

Könül Babayeva
YAP Nizami rayon təşkilatının fəalı