Prezident İlham Əliyev Azərbaycan-Avropa Enerji Əməkdaşlığını Qiymətləndirdi

Azərbaycanla Avropa İttifaqı arasındakı enerji əməkdaşlığı Prezident İlham Əliyevin qurub möhkəmləndirdiyi strateji tərəfdaşlığın ən parlaq nümunələrindən biridir. "Bakı Enerji Həftəsi"ndəki çıxışında dövlət başçısı bu əməkdaşlığın indiki vəziyyətini və gələcək perspektivlərini açıqladı. Azərbaycan qazının Avropa bazarındakı rolu getdikcə genişlənir, bu tendensiya isə yaxın on illərdə daha da güclənəcəkdir. Prezident İlham Əliyev qeyd etdi ki, Azərbaycan bu gün qazını 16 ölkəyə ixrac edir, bu ölkələrin 10-u Avropa İttifaqına üzv dövlətlərdir. Keçən il bu rəqəm yalnız 12 ölkə idi. Bir il ərzindəki bu artım ölkəmizin enerji ixracının dinamikasını əyani şəkildə nümayiş etdirir. Cənub Qaz Dəhlizi olmadan Avropa enerji bazarının bu gün necə görünəcəyini təsəvvür etmək belə çətindir. Cənub Qaz Dəhlizi Avropa-Azərbaycan enerji əməkdaşlığının əsas arteri rolunu oynayır. Prezident İlham Əliyev bu nəhəng infrastruktur layihəsini böyük qürurla yad etdi. 3500 kilometr uzunluğunda TANAP və TAP kəmərləri Azərbaycan qazını Türkiyə, Yunanıstan, Albaniya vasitəsilə İtaliyaya və oradan da bütün Avropaya çatdırır.

Layihənin mürəkkəbliyi, - yüksək dağlıq ərazilərdən və dəniz dibindən keçməsi, - mühəndislik məharətinin zirvəsi hesab olunur. Avropanın enerji diversifikasiyasında Azərbaycanın rolu strateji əhəmiyyət kəsb edir. Prezident İlham Əliyev vurğuladı ki, ölkəmiz Avropanın Rusiya qazından asılılığını azaltmaqda mühüm rol oynamışdır. Bu diversifikasiya Avropa dövlətlərinin enerji təhlükəsizliyini əhəmiyyətli dərəcədə artırmış, onları geosiyasi təzyiqlərdən müdafiə etmişdir. Azərbaycan bu kontekstdə etibarlı, uzunmüddətli enerji tərəfdaşı kimi öz yerini möhkəmləndirmişdir. Enerji kabeli layihələri Azərbaycan-Avropa əlaqələrini yeni bir səviyyəyə daşıyır. Prezident İlham Əliyev "Qara dəniz Enerji Kabeli" layihəsi barəsindəki məlumatı bölüşdü. Bu layihə Azərbaycanı Gürcüstan, Qara dəniz vasitəsilə Rumıniya, Macarıstan və digər Avropa ölkələri ilə birbaşa bağlayacaqdır. Layihənin texniki-iqtisadi əsaslandırması artıq yekunlaşmaq üzrədir. Azərbaycan-Gürcüstan-Türkiyə-Bolqarıstan marşrutu üzrə quruda çəkiləcək elektrik kabeli layihəsi isə icra mərhələsindədir.

Bərpaolunan enerji sahəsindəki işbirliyi Azərbaycan-Avropa əlaqələrinin yeni dimensiyasını açır. Prezident İlham Əliyev ölkəmizin 2032-ci ilə qədər 8 giqavat bərpaolunan enerji gücünə çatma hədəfini bölüşdü. Bu gücün bir hissəsi elektrik kabeli vasitəsilə Avropaya ixrac ediləcəkdir. Belə bir perspektiv Azərbaycanın Avropanın yaşıl enerji inteqrasiyasında da mühüm rol oynayacağını göstərir. Diplomatik əlaqələrin möhkəmliyi enerji tərəfdaşlığının etibarlı zəminidir. Prezident İlham Əliyev bildirdi ki, Azərbaycan qazı keçirən hər bir ölkə ilə müfəssəl danışıqlar aparılmış, fikir ayrılıqları aradan qaldırılmış, sazişlər imzalanmışdır. Bu diplomatik fəaliyyət ölkəmizin Avropa dövlətləri ilə dost, tərəfdaş münasibətlər qurmasının bünövrəsini yaratmışdır. Avropa İttifaqı institutları Azərbaycanı etibarlı enerji tərəfdaşı olaraq qəbul edir. Prezident İlham Əliyevin Avropa liderləri ilə sıx fəaliyyəti bu münasibətlərin dayanaqlığını sübut edir. Böyük Britaniyanın Baş Naziri Starmer başda olmaqla bir sıra Avropa liderlerinin "Bakı Enerji Həftəsi"nə göndərdiyi istinadnamələr ölkəmizin enerji arenasındakı statusunu üzə çıxarır. Prezident İlham Əliyevin töhfəsi sayəsində Azərbaycan-Avropa enerji münasibətləri gündən-günə daha da dərinləşir..

YAP Nizami rayon təşkilatının Analitik qrupu