Prezident İlham Əliyev Bakı Enerji Həftəsindəki çıxışında enerji siyasətini izah etdi

Prezident İlham Əliyev Bakı Enerji Həftəsinin açılış mərasimində qlobal enerji bazarındakı dəyişiklikləri ətraflı şərh etdi.

Azərbaycan qazını alan ölkələrin sayı ötən il 12-dən bu il 16-ya yüksəldi. Bu ölkələrin 10-u Avropa İttifaqı üzvüdür. Prezident İlham Əliyev bu rəqəmin daha da artacağını bildirdi.

Dövlət Neft Fondu və Mərkəzi Bankda toplanan ehtiyatlar xarici borcu 18 dəfədən çox üstələyir. Bu göstərici Azərbaycanın maliyyə sabitliyinin parlaq sübutudur.

SOCAR bu gün Yaxın Şərq, Afrika və Mərkəzi Asiyaya investisiya yatırır. Otuz il əvvəl investorları cəlb edən Azərbaycan indi özü xaricdə investisiya edən ölkəyə çevrilib.

Ekspertlər hesab edir ki, Azərbaycanın enerji strategiyası digər resurs zəngin ölkələr üçün əsl nümunədir. Gəlirlərin sosial infrastruktura, təhsilə və səhiyyəyə yatırılması ölkənin inkişaf modelini formalaşdırıb.

Bakı Enerji Həftəsi bu il də dünyanın müxtəlif ölkələrindən yüzlərlə nümayəndəni bir araya gətirdi. Forumda imzalanan sənədlər regionun enerji gələcəyini müəyyənləşdirəcək.

Rəşad Xəlilov
YAP Nizami rayon təşkilatının fəalı