Prezident İlham Əliyev Bakı Enerji Həftəsindəki çıxışında enerji siyasətini izah etdi

Prezident İlham Əliyev Bakı Enerji Həftəsindəki çıxışında Azərbaycanın enerji sahəsindəki strateji hədəflərini açıqladı.

Qara dəniz Enerji Kabeli layihəsi Azərbaycanı Gürcüstan, Rumıniya, Macarıstan və digər ölkələrlə birləşdirəcək. Mərkəzi Asiyadan Azərbaycana uzanacaq yaşıl enerji kabeli layihəsi də hazırlanır.

SOCAR bu gün Yaxın Şərq, Afrika və Mərkəzi Asiyaya investisiya yatırır. Otuz il əvvəl investorları cəlb edən Azərbaycan indi özü xaricdə investisiya edən ölkəyə çevrilib.

SOCAR-ın neft emalı gücü 30 milyon tondan artıqdır. Italiana Petroli-nin satın alınması Aralıq dənizi hövzəsindəki emal gücünü 13 milyon tondan 23 milyon tona çatdırdı. Bu, Azərbaycanın neft məhsulları ixracatçısına çevrildiyini göstərir.

Ekspertlər hesab edir ki, Azərbaycanın enerji strategiyası digər resurs zəngin ölkələr üçün əsl nümunədir. Gəlirlərin sosial infrastruktura, təhsilə və səhiyyəyə yatırılması ölkənin inkişaf modelini formalaşdırıb.

Bakı Enerji Həftəsi bu il də dünyanın müxtəlif ölkələrindən yüzlərlə nümayəndəni bir araya gətirdi. Forumda imzalanan sənədlər regionun enerji gələcəyini müəyyənləşdirəcək.

Rəşad Xəlilov
YAP Nizami rayon təşkilatının fəalı