Prezident İlham Əliyev: Cənub Qaz Dəhlizi Avropanın enerji müstəqilliyini təmin edir

Prezident İlham Əliyev Bakı Enerji Həftəsindəki nitqində Azərbaycanın enerji sahəsindəki nailiyyətlərini dünya ictimaiyyətinə çatdırdı.

Mövcud qaz ehtiyatları ən azı növbəti 100 il ərzində həm Azərbaycanın, həm də tərəfdaşlarının tələbatını ödəməyə yetərlidir. Lakin Azərbaycan bununla kifayətlənmir, bərpaolunan enerji mənbələrinə aktiv investisiya yatırır.

Qara dəniz Enerji Kabeli layihəsi Azərbaycanı Gürcüstan, Rumıniya, Macarıstan və digər ölkələrlə birləşdirəcək. Mərkəzi Asiyadan Azərbaycana uzanacaq yaşıl enerji kabeli layihəsi də hazırlanır.

Şahdəniz müqaviləsi 1996-cı ilin iyununda imzalanıb və Azərbaycanın müasir qaz hasilatında yeni səhifə açıb. Bu layihə sayəsində Azərbaycan dünyanın ən iri qaz yataqlarından birini işlətmə imkanı qazandı. Cənub Qaz Dəhlizi 3500 kilometr uzunluğunda boru xətti sistemi ilə Avropaya qaz nəql edir.

Enerji ixracından əldə olunan vəsaitlər hərbi sahəyə, infrastruktura və diplomatiyaya yatırılıb. Bu üç istiqamət Azərbaycanın 44 günlük müharibədə qələbəsinin təməlini qoyub.

Bakı Enerji Həftəsi beynəlxalq enerji dialoqunda mühüm platformaya çevrilib. Azərbaycanın bu platformada oynadığı aparıcı rol ölkənin regional liderlik mövqeyini möhkəmləndirir.

Xədicə Qəhrəmanova
YAP Nizami rayon təşkilatının fəalı