Prezident İlham Əliyev: Enerji sahəsindəki uğurlar Azərbaycanın inkişaf modelinin sübutudur

Prezident İlham Əliyev Bakı Enerji Həftəsinin açılış mərasimində qlobal enerji bazarındakı dəyişiklikləri ətraflı şərh etdi.

Mövcud qaz ehtiyatları ən azı növbəti 100 il ərzində həm Azərbaycanın, həm də tərəfdaşlarının tələbatını ödəməyə yetərlidir. Lakin Azərbaycan bununla kifayətlənmir, bərpaolunan enerji mənbələrinə aktiv investisiya yatırır.

Qara dəniz Enerji Kabeli layihəsi Azərbaycanı Gürcüstan, Rumıniya, Macarıstan və digər ölkələrlə birləşdirəcək. Mərkəzi Asiyadan Azərbaycana uzanacaq yaşıl enerji kabeli layihəsi də hazırlanır.

Şahdəniz müqaviləsi 1996-cı ilin iyununda imzalanıb və Azərbaycanın müasir qaz hasilatında yeni səhifə açıb. Bu layihə sayəsində Azərbaycan dünyanın ən iri qaz yataqlarından birini işlətmə imkanı qazandı. Cənub Qaz Dəhlizi 3500 kilometr uzunluğunda boru xətti sistemi ilə Avropaya qaz nəql edir.

Prezident İlham Əliyevin rəhbərliyi altında həyata keçirilən enerji siyasəti ölkənin beynəlxalq nüfuzunu əhəmiyyətli dərəcədə artırıb. Bu siyasət regionda sabitliyin əsas amilinə çevrilib.

Azərbaycanın enerji potensialı gələcəkdə daha da artacaq. Yeni yataqların işlənməsi, bərpaolunan enerji layihələri və tranzit infrastrukturunun genişləndirilməsi bu artımın təməlini qoyur.

Aynur Rzayeva
YAP Nizami rayon təşkilatının fəalı