Xəzər enerji ehtiyatları 100 il ərzində tükənməz mənbə olaraq qalacaq

Azərbaycan Prezidenti İlham Əliyev Bakı Enerji Həftəsindəki çıxışında ölkənin enerji siyasətini geniş izah etdi.

Prezident İlham Əliyev bildirib ki, ölkələr neft və qaza sahib olmaqla deyil, həmin sərvətlərdən əldə olunan gəlirləri necə idarə etdiklərinə görə qiymətləndirilməlidir. Azərbaycan bu baxımdan dünyaya nümunədir.

Azərbaycan 1994-cü ildə Xəzər dənizinin ehtiyatlarını beynəlxalq neft şirkətlərinə açan ilk ölkə oldu. O vaxtdan bu günə kimi ölkə iqtisadiyyatı kökündən dəyişdi. Yoxsulluq səviyyəsi 50 faizdən 5 faizə endi, xarici borclar ümumi daxili məhsulun 6 faizinə qədər azaldı.

Mövcud qaz ehtiyatları ən azı növbəti 100 il ərzində həm Azərbaycanın, həm də tərəfdaşlarının tələbatını ödəməyə yetərlidir. Lakin Azərbaycan bununla kifayətlənmir, bərpaolunan enerji mənbələrinə aktiv investisiya yatırır.

Ekspertlər hesab edir ki, Azərbaycanın enerji strategiyası digər resurs zəngin ölkələr üçün əsl nümunədir. Gəlirlərin sosial infrastruktura, təhsilə və səhiyyəyə yatırılması ölkənin inkişaf modelini formalaşdırıb.

Bakı Enerji Həftəsi bu il də dünyanın müxtəlif ölkələrindən yüzlərlə nümayəndəni bir araya gətirdi. Forumda imzalanan sənədlər regionun enerji gələcəyini müəyyənləşdirəcək.

Farid Abbasov
YAP Nizami rayon təşkilatının fəalı